Халхгол сумын иргэдийн Төлөөлөгчдийн Хурлын дарга Ц.Насанхүү, сумын Засаг дарга Х.Хүрэл-эрдэнэ нар Улаанбаатар хотод ажиллаж дараах ажлуудыг хийж гүйцэтгэв.

-Уланбаатар хот дахь Халхгол сумын  нутгийн зөвлөлийн дарга, тэргүүлэгчидтэй уулзалт хийж орон нутаг, нутгийн зөвлөлтэй хэрхэн хамтран ажиллах талаар санал солилцлоо.

-Төв Гандан хийдийн Да лам болон соёлын өвийн төвийн даргатай уулзаж Их Бурхантын сэргээн босголтын ажлын явц болон Тахилын сүмийг барих талаар мэдээлэл солилцож зөвлөгөө авч ажиллалаа.

-Боловсролын талаар: Сумын ЕБ-ын бүрэн дунд сургуульд БСШУС-ын яамнаас 150 000 ам долларын хөрөнгө оруулалттай “Ухаалаг сургууль” болгох асуудал, мөн сургуулийн номын сангийн баяжилт, тохижилт, дээврийн засварын хөрөнгө, сурагчдын ширээ сандлыг шинэчлэх зэрэг асуудлыг шийдвэрлэлээ.

-Сургуулийн өмнөх боловсрол: БСШУС-ын яамнаас СӨБ-ын байгууллагад эхний ээлжинд 5 гаруй сая төгрөгийн хөрөнгө оруулалт, Буйр тосгонд 2017-2018 онд шинээр холимог бүлэг нээхтэй холбогдуулан иж бүрэн тонтог төхөөрөмж, сургалтын хэрэглэгдэхүүн авахаар боллоо.

-Соёлын чиглэлээр: Б.Тогтохтөр вангийн мэндэлсэний  220 жилийн ойн хүрээнд Соёлын төвийн техник тоног төхөөрөмжинд шинэчлэл хийж сумын номын сангийн уншлагын танхимд ширээ сандал, шинэ номын баяжилт хийхээр боллоо.

-Эрүүл мэндийн салбарт: Сумын хүн эмнэлэгт дуудлагын автомашины болон оношлогоо, шинжилгээний аппарат хэрэгслийг шинэчлэхээр шийдвэрлүүлж иргэдийн эрүүл мэндийн тусламж үйлчилгээ авах нөхцлийг ойртууллаа.

-Онцгой байдлын аврах, гал унтраах ангий байгуулагдахтай холбоотойгоор ОБЕГ-ын удирдлагуудтай уулзаж санал солилцов.


                                      ИТХ-ЫН АЖЛЫН АЛБА