СУРГАЛТ ЗОХИОН БАЙГУУЛАВ
Монгол улсын Ерөнхийлөгчийн Тамгын газрын дэргэдэх “Архигүй Монгол” төрийн бус үндэсний сүлжээ”-ний соён гэгээрүүлэгч, “Сэтгэлийн хөгжил” төрийн бус байгууллагын тэргүүн Аюушийн Батсайхан тус сумын Хилийн цэргийн 0198 дугаар ангийн урилгаар Халхгол суманд ажиллав.
Хилийн цэргийн ангийн бие бүрэлдэхүүн болон хилийн бүх заставуудаар явж Монгол хүний үнэ цэнэ, үнэлэмж, өрсөлдөх чадвар, архидалтын хор хөнөөл болон түүнээс урьдчилан сэргийлэх талаар сургалт, соён гэгээрүүлэх ажил зохион байгууллаа.
Мөн сумын ИТХ-ын дарга Ц.Насанхүүгийн урилгаар албан газар, байгууллагын дарга, эрхлэгч, захирлууд, бүрэн дунд сургуулийн ахлах ангийн сурагчид, Цогтсүмбэр багийн иргэд нийт 500 шахам хүнд дээрх сургалтуудыг хийсэн нь олны сэтгэлд нийцсэн сайхан сургалт боллоо.
Сумын ИТХ-ын ажлын алба.