2020-2021 оны улсын төсвийн 1,2 тэрбум төгрөгийн хөрөнгө оруулалтаар Ховд аймгийн Чандмань сумын ЗДТГ шинэ “Нутгийн удирдлагын ордон”-той боллоо.
“Нутгийн удирдлагын ордон”-ы нээлтийн тууз хайчлах ёслолд УИХ-ын гишүүн, ХЗБХ-ны дарга С.Бямбацогт, Ховд аймгийн ИТХ-ын дарга Г.Пүрэвганди, аймгийн ИТХ-ын төлөөлөгч Н.Батцагаан болон сумын удирдлагууд, гүйцэтгэгч компанийн удирдлага, ард иргэдийн төлөөлөл оролцсон юм.
Тус барилгын ажлыг “Бүтээмж Тауэр” ХХК-ийн хамт олон гүйцэтгэжээ. Энэхүү барилга нь орчин үеийн стандартын шаардлага хангасан 702 м.кв бүхий хоёр давхар төмөр карказан барилга юм.
“Бүтээмж Тауэр” ХХК”-ний барьж гүйцэтгэсэн тус барилга нь Ховд аймгийн 2021 оны “Шилдэг бүтээн байгуулалт”-аар шалгарсан байна.
