Ховд сумын Дунд ус багийн тариаланч Н.Серик гэр бүлтэйгээ газар тариалангийн салбарт 10-аад жил ажиллаж, 2016 онд “Сумын аварга тариаланч”, 2018 онд “Сумын хошой аварга тариаланч” болж байсан бол энэ жил “Аймгийн аварга тариаланч”-аар шалгарсныг аймгийн ИТХ-ын дарга Г.Пүрэвганди, аймгийн ИТХ-ын Төлөөлөгч Х.Жаукар болон сумын удирдлагуудын хамтаар 05 дугаар сарын 19-нд гардуулан өгч баяр хүргэлээ.

 

Аймгийн аварга тариаланч Н.Серик жилд дунджаар 1га газраас 30-40 тонн ургац хураан авч сумын албан байгууллагуудад тариалсан хүнсний ногоогоо нийлүүлж, 3-4 га газарт тарвас, амтат гуа, төмс, лууван, манжин зэрэг хүнсний ногоонуудыг тариалж байна.

 

Аймгийн аварга тариаланч Н.Серик хэлэхдээ: Газар тариалангийн салбар бол эрхлэхэд амаргүй хэцүү салбар юм. Хүнсний ногоо тарина гэдэг арчлалт, тордолт маш их хэрэгтэй, ажиллагаагаа ихтэй байдаг. Тариаланч хүний хувьд намрын улирал л хамгийн сайхан байдаг гэлээ.