Дорнод аймгийн хэмжээнд 4-р сарын 7-ны өдрөөс эхлэн иргэдэд Коронавируст халдвар “COVID-19”-ын эсрэг “Синафарм” үйлдвэрийн “Вероцелл” вакциныг үе шаттайгаар хийж эхлээд байна.
Халхгол сумын хэмжээнд 4-р сарын 08-ны өдөр Коронавируст халдвар “COVID-19”-ын эсрэг Синафарм үйлдвэрийн Вероцелл вакцины 721 тунг хүлээн авч улсын Онцгой комиссоос өгсөн чиглэлийн дагуу Сум дундын эмнэлэг, Гал түймэр унтраах, аврах 62-р анги, Цагдаагийн тасаг, Тагнуул, Хилийн цэргийн 0198-р анги, Зэвсэгт хүчний 329-р анги, Гааль, Мэргэжлийн хяналт, Ерөнхий боловсролын сургууль, Хүүхдийн цэцэрлэгийн албан хаагчдыг эхний ээлжинд хамруулан ажиллаж байна.
Өнөөдрийн байдлаар вакцинжуулалтад 451 албан хаагч хамрагдаад байна.
ХАЛХГОЛ СУМЫН ОНЦГОЙ КОМИСС, ШУУРХАЙ ШТАБ